ერიკ უოლში Silent Hill 4: The Room-ის პერსონაჟია. იგი ბარ საუსფილდის ბარმენად მუშაობდა. დაბადების დღეზე მას უცნობმა სტივ გარლანდის მკვლელობის შესახებ ამცნო. შეშინებულმა ბარის პატრონმა ბარის დაკეტვა გადაწყვიტა, ამიტომ ერიკი სახლში ადრე მივიდა. შინ მისულს უოლტერ სალივანი დახვდა, რომელმაც მას სახეში ტყვია დაახალა და გული ამოაცალა.
ერიკ უოლში უოლტერის მე-10 მსხვერპლი გახდა. მისი მკვლელობის თემაა „ათი გული“, ნივთი - ბილიარდის ბურთი, რაც მოგვიანებით ჰენრი ტაუნშენდს შენობის სამყაროდან თავის დაღწევაში დაეხმარება.
შენობის სამყაროში ახლად მისული ჰენრი ერთ-ერთ ოთახში სადღესასწაულო სუფრასა და ერიკის მოჩვენებას იპოვის, რომელიც მორჩილების ხმლით იატაკზეა მიმაგრებული. ხმლის აღების შემდეგ ერიკი მას თავს დაესხმება და დაედევნება.