ორდერის წევრი
მარტინ ფიჩი Silent Hill: Homecoming-ის პერსონაჟია. იგი შეპჰერდს გლენის ერთ-ერთი დამაარსებელი ოჯახის შთამომავალი იყო. ამგვარად, ის ორდერის ღმერთთან პაქტით იყო შეკრული, რომლის შესასრულებლად მან თავისი შვილი - სკარლეტი მოკლა და დაანაწევრა.
Silent Hill: Homecoming[]
ალექს შეპჰერდი მარტინ ფიჩს პირველად მის ოფისთან შეხვდება. შეშინებულ და დასისხლიანებულ ფიჩს, რომელიც ვიღაცას თუ რაღაცას გაურბის, ხელში სკალპელი უჭირავს. იგი ალექსს დაუყვირებს, რომ თავი დაანებოს და თავის ოფისში შევა, უკან კი სისხლის კვალს დატოვებს.
მოგვიანებით, ალექსი ფიჩს მის პირად ჯოჯოხეთში იპოვის. იგი მუხლებზეა დავარდნილი, სხეულს დანით ისერავს და შეშლილივით ლაპარაკობს. ალექსი მას მისი ქალიშვილის ოთახში ნაპოვნ თოჯინას გადასცემს, რის შემდეგაც ფიჩის სისხლის გუბიდან გიგანტური ურჩხული - სკარლეტი ამოვა, რომელიც მისი სინდისის ქენჯნის ინკარნაციას წარმოადგენს. ფიჩი მას პატიებას სთხოვს, თუმცა სკარლეტი მას თავს მოაჭამს და მის სხეულს მოისვრის, რის შემდეგაც იგი ალექსს დაუპირისპირდება.